Kap Hmung & No Fam
Hrinsor 

Kap Hmung & No Fam ahringsor tu  hna hi an kongtampi  akan chim kho tu an um lo.Theih khawh tawkah fapa pathum an ngei ti lawng hi kan theih khawhmi cu asi. Acunglei hna ṭial mi min hi an si.Far an ngeih lo caah Dan Lian Nu  hi far caan ah rak itlaih tiah mithi pa nih a ka chim. Cu cah Dan Lian he cun unau bantuk in khua kan sa. Kan pa le kawl ah pur an phiar lai zongah Pu Dan Lian Nu hi bia an rak beuh cah ta tawn . Dan Lian nu hi ka pa he tiah phunkhat an si.

An unau pathum lak ah Ka pa konghi tawi tein ka ṭial tak lai.Pu Tei Thang cu 01/12/1919 ah Hniawlawn khua ah achuak.Amah cu Pu Kap Hmung le Pi No Fam hna i fa pathum hna lak ah pahnihnak asi.1954 kum ah Pi Sal Sung he an ium. 1941 in 1945 kum tiang Nevy ah rian aṭuan.1946 in 1971 tiang First Chin Rifle le Burma Army ah ram le miphun kilven in ralkap rian arak ṭuan. Prime minister U Nu Chan ah kum 3 bodyguard le President Ne Win chan ah thla 6  chung bodyguard arak ṭuan. Insein ral raldoh nak tampi ah ralṭha ngai in ram caah  ral  arak do. Ramvah ahuam ngaingai mi asi. Sa zong tampi arak kap i,Sawm zong araktuk.Ralkap rian in pension alak hnuah Chawngkhuah ah an pem. Pathian zaangfahnak thlawgin in 1980 kum ah min ṭhatnak zong arak hmuh.  Pathian nih  vawi lei nun a sian ti lo caah July 7 2004 ah Bawipa sin ah adin.

Ka pa hi anun lio ah Pathian biatak in atlaih i khamhnak aco mi asi. Akan thihtak tik ah hin khawi ka ah akal lai ti hi fiang tein atheih ko tiah ka ruah. Zungzal anung mi Pathian sin ah kal hrimhrim lai tiah ka zumh . Anun lio ah ka lucungah akut achuan i thla aka cam piak.Lucung kutchuan in thlacampiak mi le thluachuah halpiak mi ka asi hi ka lung aa hmuih khunmi asi. Ka pa athih ah hin aruak cungah ka um kho lo. Yangon ah Pathian rian ka ṭuan lio asi. Pathian rian ka ṭuan lio asi cah aruak cung ka phan kho lo nan lungsaknak ka ngei. Afa le lak ah hin lu cungah kut chuan in thla arak camhmi hi kei mah lawng ka si rua ti ruah in ka ruah ko. 

A Uu Ngun Hre te fa hna, Anau, Kil Kheng hna i an fa le hna hi hlat lio pi asi. Tamnawn cu bukbau ah kan khumh cang. Amin ca zin chiah an si. Pathian nih arem a ti ah cun hinak tam deuh le an te fa hna tiang bet le chap an si te lai .