Phungthimtu 3: 1,12 , 13  Zeizong vialte caah hin caan aum  cio, i vanrang tang i a ummi thil vialte nih hin caan an   ngei dih.
v.11 …zeizong vialte hi anmahle an caan te a serpiak  ciohna;hmai  lei thil hngalh duhnak kha minung kan lunthin chungah achiah i asinain pathian nih a tuahmi kha thling tein hngalh khawhnak kha cu a kan pe lo.
v.12…cucaah minung nih atha bik kan tuah khawhmi cu a nun rih lioah i lawmh le atha bik a timi kha atuah  khawh chungin tuah kha asi ko.
13…kan dihlak in ei u sih law ding u sih law kan tuan man kha i nuamhpi u sih. cucu pathian laksawng asi ko.

PATHIAN NIH CAAN LE NI THLA HNA A KAN KHIAH PIAK

Caan

Chuah caan

Nih caan

Ṭah caan

Thih caan

Athleng langmang mi vawlei ah kan nung, Khuasik cu thal ah athleng, thal cu fur ah athleng, akih can alum can le ruah sur caan le thlitu atam caan tiin a thleng. Nihin cu ka computer arang deuh  asiloah ahnuar deuh. Athleng langmang ko.

Pathian  cu athleng lo ( Heb 13:8)

Pathian dawtnak cu athleng lo.. Pathian nih kan mah bantuk in thlen hmang seh law. Anuamh caan anuamh lo can le athin hawn caan khi cu um seh law kan lo koko hnga.

Heb.13:8 

Jesuh Khrih cu nizan le nihin le zungzal in amah ning asi ko.

Malachi 3:6

Kei mah cu ithleng loin Bawipa ka si.

Pathian nih hin caan akan pek dih ko. Ngeihchiat caan, lawmh caan, awl caan, har caan le fawi tein nun caan, kan nun nak zong hi amah nih caan akan pek mi asi ko. Khat lei kut nih fahnak chuahpi lai nain khat lei kut nih cun lawmhnak chuah pi ve lai.  Asullam cu Pathian cu zei zongvial te control tu asi ko tinak asi. Kan nunnak adih ri, akhiak tu zonghi amah asi ko.

Asining Hlun kha vawlei ah chiahtak asiloah phumtak

Sinning Hlun

1. Kan si ninghlun hi kan kal tak ahau. Kan rak duh tawnmi hna kha ngawl ahau.

2. Kan rak duh tawnmi kha an ilo men lai lo.

3. Kan mah le kan si ning in kan hngol ahau.

4. Na nunning hlun kha vawlei ah phum ta ahau.

Kan nunning hlun kha hlanchungah kan vuitak ahau. Kan phum aherh cang. Kaltak ding khi a kan chimh duhmi asi.

Johan 11:44
Mithi pa cu a kut le ke ruak puansual bu le a hmai khuh puan he khan ahungchuak, Jesuh nih’ “Phoih u law kal seh, tiah ati hna.

Si ning hlun he thawh cu tih anung.

Phoih ulaw kal seh.Cawlcangh kan hau Jesuh nih kal akan fial. Thlennak nun cu siningpi in thawh kha asi lo.Puansual bu athomi kha phoih kha asi. Singningthar he thawh, cawl, kal kha asi. Pathian bia nih “phoih ulaw kal seh” Ati. “Thawhṭhan nun” angei mi cu an si ningpi khan kal asi lo. Sininghlun kha poihtak i kal asi. Anrak ngeih mi atuamtu hna kha phoih asi ,hlawnhpiak asi.

II Corin. 5 17 Mi zeihmanh hi Khrih he an i pehtlaih tikah cun mi thar a si; a nunning hlun kha a lo cang, nunning thar kha aa thawk cang. Thlaici cu vawilei ah na cintik ah atuamtu kha athut hnu ah achung in zoh adawh ngaimi nun achuak. Akung cu ahawngmerh tik ah, amah ningin aum lo. Ahong ṭhang sining hlun ah cam peng kha siloin. Nifa kan nunnak ah ṭhan khi asi.Ṭemṭawn tu kan ngeih ah cun phumtak in nunthar ah nun khi fial kan si. Nunthar lawngah cam peng khi asi lo, ṭhan khi asi. Ṭhanlawng aza lo athei atlai mi si dingah fial kan si.

Hngalh duhnak

V11. Pathian nih hngalh duhnak kha mi nung kan thinlung chungah a chiah.

Thaizingah zeidah a chuak lai, Zei dah kan tawn lai ti cu hngal kho u si law kan duh.. Cu cu Pathian nih kan thinlung chungah ah kan chiah piakmi asi caah asi ding a si ko.

Pathian nih atuahmi thil thlingte in   hngalh khawhnak  cu akan pek lo..  Cu caah hi vawlei mi kan nun chung   cu, hngalh cu kan i zuam peng ko lai.

v.12…Cucaah minung nih aṭha bik kan tuah khawhmi cu a nun rih lioah i lawmh le aṭha bik a timi kha atuah  khawh chungin tuah kha asi ko.

2 Siangpahrang 6:22 Anih nih, “Na that hna lai lo. Na vainam le na likuk in na tlaih mi hna cu na thah hna hnga maw? Annih cu ti le rawl hunh hna law ei in ding hna seh law an bawipa sinah kal hna seh,” tiah a ti.  23 Cucaah an caah puai nganpi pakhat a timh i an ei an din dih in a kalter hna i an bawipa sinah khan an kal. “Cun Siria mi cu ralhranh awkah Israel ram chungah an lut ti lo.  “Ṭhaṭnak tuah mi nih remhnak achuahpi.

Lawm tein ṭuan hi Pathian nih akan fial mi asi ko.

Tuah khawh chung in tuan hi a kan duh piak mi asi.

Kan celh lo tiang ṭuan khi  akan fial mi cu asi lo.

Athleng cuahmah liomi kan vawlei ah Pathian nih hngalh khawhnak cu a kan pe dih lo. Pathian nih akan pekmi thluachuah hi relzia thiam le nunpi khi asi. Pathian nih kan celh lo tiang akan fial lo. Pathian pekmi nunnak hi hmanzia thiam le thlarua le biak in nun tu kha a kan cawmpiak deuh mi asi .

Athluachuah arel zia thiam

V13…kan dihlak in ei u sih law ding u sih law kan tuan man kha i nuamhpi u sih. cucu Pathian laksawng asi ko.

A Khrihfa hla bu 354

Thachin pakhat hnu pakhat rel tuah,

A tampi an pek kha na hngalh lai;

 Ṭhachin rel tuah, pakhat hnu pakhat,

Pathian nihzeitluk an dawt kha nahngalhlai

V13 “nak ah ei u si law ding uh sih” Kan i palh lo dingah ka duh ngai mi cu. Ziah zei hman a chim tung lo. Ei usih law ding u sih tiah pei ati ko hi..Zei poah ei le din a ngah ko lai tiah kan ruah chih ding asi lo. Kan Bible ah

(ICor.10:31)” Zei nan tuah hmanh ah, nan ei ah si seh, nan  din ah siseh, nan tuahmi cu a dihlak in Pathian thangṭhatnak caah siter ko u”.

Kan tuahmi hna hi Pathian liannganternak caah si hram ko seh. Nang zeitin dah na caan na hman?. Kan Bible ah zeizong vial te nih caan an ngei dih tiah a kan cawnpiak.

Pathian nih caan a kan serpiak mi hi, za long tein thim khawh asi.

Acheu cu mah feeling nuamhnak an ithim.

Acheu cu tasa nuamhnak an ithim.

Acheu cu mi caah nunpek.

Acheu cu ram le mi phun caah caanpek.

Acheu cu mi sifak bawmhnak ah caanpek .

Acheu cu Pathin rian ah an caan an pek.

Nu le pa , kan mi no hna, kan fa le hna, ka hawidawt. Pathian ram penkauhnak caah nang na caan zeitin dah na hman? Zei khi dah Pathian caah na pek ve lai. Zei dah ka hmuh lai ti khi asi lo, Zei dah Pathian ram penkauhnak caah ka pek ve lai, caan ka ngeih lio te ah ti khi asi. Kan no peng lai lo, i kan thawngpeng fawnlai lo. Nihin hi acaan ṭha asi. Khrih kha na khamh tu le na Pathian ah na pawm i, nunningthar he na nunah cun, na sining hlun nih in zul hlah seh. Nan sining hlun kha phawihta law. Nunning thar in Pathian sin ah caan sunglawi tuk mi hi ahman zia thiam hna uh sih law pe ve cang hn usih.

Pathian nih na caan hman zia na thiamnak hnga in thluachuah ko hna seh. Amen!